នាពេលថ្មីៗនេះ រមណីយដ្ឋានឋានសួគ៌ត្រាវកុដ្ឋ ទើបតែបង្កើតឡើងនូវការកម្សាន្តបែបថ្មី ប្លែក ខុសពីកន្លែងកម្សាន្តដទៃទៀត និងមិនធ្លាប់មានក្នុងទឹកដីខេត្តសៀមរាបឡើយ នោះគឺ ការជិះកង់លើអាកាស (ជិះកង់លើខ្សែរ៉ត) មានកម្ពស់រហូតដល់ទៅ ១៥ម៉ែត្រពីដី និង មានប្រវែង ២០០ម៉ែត្រ ( ចំពោះតម្លៃ សម្រាប់ភ្ញៀវខ្មែរ និង បរទេសគិតផ្សេងគ្នា)។ក្រៅពីការកម្សាន្តថ្មីប្លែកដូចបានរៀបរាប់ខាងលើហើយ នៅរមណីយដ្ឋានមួយនេះក៏មានផ្ដល់ជូននូវការកម្សាន្តដ៏រីករាយជាច្រើនប្រភេទផ្សេងទៀតផងដែរ ដូចជា៖ ការជិះទូកកម្សាន្ត (Canoe និង Kayak), ការញ៉ាំអាហារក្នុងតូបដែលឋិតនៅតាមមាត់ទឹក, ការជិះខ្សែរ៉តZipline (ជិះលក្ខណៈអង្គុយ), ការជិះខ្សែរ៉ត Superman (ជិះលក្ខណៈដេក) ជាដើម។